Boðið er upp á tvo gistiskála á Hveravöllum. Sá eldri er frá árinu 1938 og er á tveimur hæðum. Á neðri hæðinni eru tvö svefnherbergi, eldhús og forstofa, en á efri hæðinni er svefnloft. Húsið rúmar allt að 35 manns í rúmum. Yngra húsið var reist árið 1980. Í því er svefnsalur með 20 tvíbreiðum kojum, geymslu, eldhúsi, forstofu og herbergi fyrir skálaverði. Húsin eru bæði hituð upp með hveravatni, en heitt rennandi vatn er nýkomið í bæði húsin. Gaseldavélar eru í báðum húsunum og þar er einnig að finna helstu eldhúsáhöld.

Eftir langan dag á hálendinu er notalegt að stinga sér í náttúrulega heita laug sem staðsett er við annan skálann á svæðinu og láta þreytuna líða úr sér.

Til baka