Komin eru út tvö göngukort með 50 gönguleiðum í Skagafirði og Austur-Húnavatnssýslu. Göngukortin eru einstaklega vönduð. Hnitmiðaðar lýsingar eru á öllum leiðunum, fjöldi mynda prýða kortið ásamt umfjöllun um áhugaverða staði. Sérstök áhersla er lögð á að sýna eyðibyggðir á svæðinu og við hvert eyðibýli má sjá upplýsingar um það hvenær byggð lagðist þar af. GPS staðsetningarpunktar eru merktir inn á kortin og eykur það verulega öryggi ferðamanna og skapar kortunum sérstöðu.

Eftirfarandi aðilar bjóða uppá skipulagðar gönguferðir:

Brekkulækur 531 Hvammstangi Húnaþing vestra

Ferðafélag Skagafjarðar 550 Sauðárkrókur Skagafirði

Fjalllendi Austur Húnavatnssýslu og fjallgarðurinn sem skilur að Húnvetninga og Skagfirðinga eru fjölbreytileg svæði, bæði hvað varðar náttúrufar og sögu. Svipmikil fjöll og grösugir dalir geyma sögu liðinna tíma, en víða á svæðinu má sjá minjar um búsetu fyrr á öldum. Fjöldi vatna og vatnsfalla einkennir svæðið og víða er veiðivon. Nú hafa Skagfirðingar og Húnvetningar tekið höndum saman um að gera svæðið aðgengilegt fyrir göngufólk með útgáfu tveggja gönguleiðakorta.

Lesa meira um gönguleiðir í:

A-Húnavatnssýslu
Húnaþingi vestra
Skagafirði