Fjallakaffi Gallerý er kaffihús með handverksívafi. Við erum staðsett að Steinnýjarstöðum í Skagabyggð, um tíu km norðan við Skagaströnd. Þar er hægt að setjast niður og gæða sér á gómsætum heimabökuðum kökum og brauði ásamt ilmandi kaffi og rjúkandi súkkulaði. Af veröndinni má njóta veitinga, útsýnis og sveitasælu við árniðinn frá Suðuránni sem rennur framhjá í fallegu gili. Ýmsar handunnar vörur verða til sölu á staðnum ásamt vörum frá Ísaumi.

Opið á sumrin frá 14-17 alla daga vikunnar.

Til baka