Árið 1996 þegar ráðist var í endurbætur á húsinu var lögð rík áhersla á að viðhalda upprunarlegu útliti hússins. Húsið skiptist í þrjá sali, aðalsal (gamla búðin), pakkhús og koníaksstofu. Samtals rúma salirnir um 100 matargesti. Í hverjum sal eru barir skreyttir útskornum galdratáknum. Í aðalsal hússins er pláss fyrir um 60 matargesti. Á efstu hæð hússins er koníaksstofan. Þar er þægilegt að setjast niður eftir góða máltíð og slappa af. Stiginn og gólfn þar eru jafngömul húsinu eða yfir 100 ára gömul. Þar má einnig sjá upprunarlega máttarviði og bindiverk í veggjum hússins. Í dag er pakkhúsið glæsilegur salur sem rúmar um 50 manns í sæti. Þar eru oft haldin böll, eða aðrar uppákomur. Þaðan er hægt að ganga út á verönd og njóta góðra veitinga í góðu veðri. Gólfin í pakkhúsinu eru úr rekavið af Ströndum.

Til baka