Blönduós er stærsti þéttbýlisstaðurinn við Húnaflóa. Atvinna er tengd landbúnaði, léttum iðnaði, verslun, þjónustu, útgerð og hver þekkir ekki Vilko vörurnar. Á Blönduósi er vel útbúið sjúkrahús, heilsugæsla, þjónustuíbúðir fyrir aldraða, félagsheimili, íþróttamiðstöð, gott tjaldsvæði, hótel, kaffihús, veitingastaðir, matvöruverlun og öll almenn þjónusta. Ný og glæsileg sundlaug er í byggingu og verður hún tilbúin árið 2010. Samgöngur eru góðar, hér er flugvöllur og er staðsetning Blönduós ákjósanleg fyrir ýmiskonar fyrirtækjarekstur.

Á Blönduósi er Heimilisiðnaðarsafnið, sem nýverið opnaði í glæsilegum nýjum húsakynnum en safnið er hið eina sinnar tegundar á landinu. Hafíssetrið er staðsett í Hillebrandtshúsi í elsta bæjarhluta Blönduóss. Textílsetur Íslands var sett á laggirnar 2005 og er starfsemin til húsa í gamla Kvennaskólahúsinu. Nú er unnið að uppsetningu á Laxasetri Íslands á Blönduósi. Nýju kirkjuna teiknaði Dr. Maggi Jónsson arkitekt, hún er mjög sérstæð í útliti en Dr. Maggi notaðist við fyrirmyndir úr náttúru héraðsins. Kirkjan er opin öllum á sumrin frá miðjum júní fram í miðjan ágúst.

Í Blöndu sem rennur í gegnum bæinn, er eyja sem kölluð er Hrútey, eyjan er friðlýst og eru þar göngustígar. Rétt utan við bæinn, í Vatnahverfi, er 9 holu golfvöllur. Á Blönduósi er upplýsingamiðstöð fyrir ferðamenn en þar er hægt að nálgast allar upplýsingar um áhugaverða staði og afþreyingu á svæðinu. Brú var gerð á Blöndu árið 1897 röskan kílómetra frá árósunum. Sama ár og brúin var smíðuð var kirkja flutt frá Hjaltabakka á Blönduós. En fremur varð Blönduós aðsetur sýslumanns og héraðslæknis þetta sama ár.

Elsta verslun á Blönduósi hét Möllersverslun. Þessi verslun táknar upphaf kauptúns á Blönduósi. Höfðakaupstaður, er Danir kölluðu oftast Skagestrand, eftir héraðinu, hafði verið löggiltur verslunarstaður frá tíð einokunar- verslunarinnar. Næsta höfn vestar var í Reykjafirði á Ströndum. Það þótti langur vegur innan úr dölunum út í Höfðakaupstað og þingmenn Húnvetninga fóru fram á að fá nýja löggilta höfn við Húnaflóa.

www.blonduos.is



Dæmi um fyrirtæki með starfsemi á Blönduósi: